സാക്ഷികളെൻ ചുറ്റും നിന്നു ശക്തി പകരുന്നു
ഞാനുമൊരു സാക്ഷിയായ് ചേർന്നു നിൽക്കുന്നു –
നിത്യമായ സാക്ഷ്യമാർഗ്ഗം തുറന്നനാഥാ! ഞാൻ -2
അന്ത്യത്തോളം നിന്റെ സാക്ഷി മാറ്റമില്ലതിൽ -2
സാക്ഷികളെൻ..

സാക്ഷ്യമൊഴിയേറ്റു കൊൾവാൻ ഒരുവനുമില്ല
പ്രതിഫലമായ് നിന്ദകളും പഴികളും മാത്രം
സ്വന്തക്കാരും നാട്ടുകാരും പരിഹസിക്കുമ്പോൾ -2
ശക്തിയേകി നാഥനെന്നെ പരിപാലിച്ചല്ലോ -2
സാക്ഷികളെൻ..

മോശതാനും ഭീരുവായ് ഹോരേബിലെത്തി
പൊന്നുനാഥൻ ധൈര്യമേകി അഭിഷേകം ചെയ്തു
സത്യദൈവം അടിമനാട്ടിൽ വീര്യം ചെയ്യിച്ചു -2
സത്യസാക്ഷിയാക്കി നിർത്തി രാജസന്നിധേ -2
സാക്ഷികളെൻ..

യാഗവസ്തു ചാമ്പലായ് തീർന്നതുകണ്ട്
ദൈവമക്കൾ ശക്തരായി ഉണർവ്വു പ്രാപിച്ചു
ബാലിൻ സേനയൊക്കെയും തകർന്നു വീണുപോയ് -2
സ്വർഗ്ഗവാതിൽ തുറന്നു മഴ ചൊരിഞ്ഞു ഭൂമിയിൽ -2
സാക്ഷികളെൻ..

ഹാബേലിന്റെ സാക്ഷ്യമെന്നെ പുളകം കൊള്ളിച്ചു
നിന്ദയേൽക്കാൻ ശക്തിപകരും നോഹയിൻ സാക്ഷ്യം
തളരാതെന്നും താങ്ങും അത്യന്തശക്തി -2
മകനേ നീയും ഒാർത്തു വേല ചെയ്തു തീർക്കുക -2
സാക്ഷികളെൻ….2